«Сәт сапар, жас түлек!» салтанатты жиыны өтті.

21 маусым күні мектебімізде мектеп бітіруші түлектерге  арналаған «Сәт сапар, жас түлек!» салтанатты жиыны өтті. Бүгінгі күн – түлектер үшін қайталанбас, маңызды да мәнді, тебіреніске толы күн болды. «Өмір күнделігіне» өшпестей етіп жазылатын ерекше күн! Осынау маңызды күні мектебімізді 14 түлек тәмамдап, оның ішінде  Рамиева Аяжан, Набиолла Асанали, Канеева Ділназ, Мухлис Аяулым - «Алтын белгі» иегерлері атанса, Набиолла Сабина мен Серікқан Ажар «Үздік аттестат» иегерлері атанды. Мектебіміздің үздік түлектеріне  Алихан Бөкейханұлы университеті ректорының атаулы гранты және Даулетова Еркежанға «Елбасы медалі»  табысталды. Сонымен қатар, мектеп директоры Қаламқас Байкеновна түлектерге жылы лебізін білдіріп, барлық түлектерге «ВС1» санатына көлік құралдарын жүргізуді даярлау бағдарламасы бойынша оқығаны туралы куәліктерін табыс етті.

 Үлкен өмірге қанат қағып бара жатқан түлектерімізге, қанаттарың талмай, биіктерге шырқап, алдарыңда күтіп тұрған жаңа өмірдің баспалдақтарынан сүрінбей өтулеріне тілектеспіз!