«Жолда жүру ережелерін білесің бе?» атты тәрбие сағаты өткізілді.

2022 жылдың 14 қыркүйек күні Т. Көбдіков атындағы орта мектебінің 5 «А» сыныбында «Жолда жүру ережелерін білесің бе?» атты тәрбие сағаты өткізілді.  

Тәрбие сағатына 16 оқушы қатысып, арнайы қонақ шақырылды.

Шар қаласының полиция бөлімшесінің старшинасы Жұмағазы Ардақ Қыдырғазыұлы 5 «А» сынып оқушыларына жолда жүрудің  негізгі ережелерін түсіндіріп, слайдты қолдана отырып белгілердің, бағдаршамның және жаяу жүргіншілерге арналған ерекшеліктерді көрсетті. Жол жүру ережелерін сақтау қаншалықты маңызды екендігіне аса көңіл аударылды. Қаладағы темір жолдан өту тәртібі туралы бөлек түсіндірілді.

Балалар жол ережелеріне байланысты жұмбақтарды шешіп, викторинаға қатысты. Соңында тақырып бойынша сурет салып, өз ойларымен бөлісті.