"Өнегелі өмір жобасы" аясында өткен кездесу

Халықтың рухани мұратына қызмет еткен ұлы тұлғалар аз емес. Данышпан  қазақ халқы ақын-жазушыларға кенде болған жоқ. Қазақ халқының арман — мұраты, шаттығы мен қайғысы ең алдымен ақын-жазушыларымыздыңжүрегіне жиналған, ақын өлеңдеріне арқау болған. 

09 қазан күні «Өнегелі өмір» жобасы аясында мектебімізге  Қоғам қайраткері,  әдебиеттанушы-ғалым, Қазақстан Жазушылар одағының мүшесі, ЮНЕСКО және ИСЕСКО істері жөніндегі Қазақстан Республикасы Ұлттық комиссиясы жанындағы Рухани мұраны қорғау жөніндегі Ұлттық комитеттің мүшесі, профессор, Аягөз, Жарма аудандарының Құрметті азаматы, 400 ден аса мақала, 2 монография авторы, 100 томдық «Бабалар сөзі» сериясының 56 және 60 томдары және 20 томдық «Әдеби жәдігерлер» сериясының жауапты редакторы  - Серікқазы Сыбанбайұлы Қорабай кездесуге келді. Кездесуге сонымен қатар,  Төлеу Көбдіковтің ұрпақтарының атынан Құсаинова Бақыт Төкенқызы, Құсайнов Айтмұхамбет Төкенұлы, Құсаинова Гүлмира Төкенқызы, Төлеуова Гульжанат Әбусәлімқызы, Құлжанбеков Есентай Тегісбекұлы, Кемелбаев Орынтай Тегісбекұлы,  Кемелбаева Гульбаршын келді.

Кездесу барысында Серікқазы Сыбанбайұлы "Төлеу Көбдіков және қазақ халық поэзиясы" кітабының тұсаукесер рәсімін өткізді.