"Әжелер мектебі"

Қазақтың салт-дәстүр, әдет-ғұрыптарын бойға сіңіру, отбасында әже мен немере арасындағы қарым-қатынасты нығайту мақсатында ағымдағы жылдың 23 қаңтар күні

мектебіміздегі  «Әжелер мектебі» мүшелерінің ұйымдастыруымен өнегелі іс-шара өтті. Әжелер өнері, әжелер мектебі, олардың өнегесі – бүгінгі қоғамда баға жетпес байлық, бойға тереңнен сіңіретін табылмас тәрбие құралы. Іс-шара барысында ардақты әжелеріміз «Тұсаукесер» салтын көрсетіп, қазақи дастархан жайып, қазақ әндерін нақышына келтіріп орындады. Барша қатысқан оқушылар мен ұстаздардың көңілдері көкке жетіп, бір марқайып қалды. Әжелерімізге дән риза болып алғысымызды білдіріп, баталарына ие болдық.