Тәуелсіздік алған елдің ең бірінші айрықша белгісі – ұлттық валюта. Ақша – асыл қазына, халық байлығы. 15 қараша-Ұлттық валюта күні.

2, 5-сынып оқушылары Республикалық бірыңғай "Жас ұлан" балалар және жасөспірімдер ұйымына қабылданды. "Жас ұлан" - өскелең ұрпақты жоғары рухани - адамгершілік құндылықтар, гуманистік, демократиялық ұстанымдарға негізделген қазақстандық патриотизм рухында қалыптасқан ұйым. Ұйымның мақсаты: өскелең жас ұрпақтың бойында патриоттық, білім мен өзін-өзі жетілдіруге деген құштарлық,беріктік, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу.

25 қазан - Республика күніне орай 1-10 сынып оқушылары арасында «Ән-жырым саған арналады» тақырыбында жас өнерпаздар байқауы өтті. Оқушылар байқауға қатысып, көпшілігі алғаш рет сахнада өздерінің таланттары мен дағдыларын көрсетті. Байқау жасөспірімдердің шығармашылық әлеуетін дамытуға бағытталған. Нәтижесінде «Бас жүлдені» 5 «А» сынып оқушысы Бахмұхамет Жанерке жеңіп алды. 

Мектебімізде 19 қазан күні жас ұрпақтың бойында патриоттық, білім мен өзін-өзі жeтілдіруге деген құштарлық, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу мақсатында Мектеп парламентінің президентін сайлау өтті. Сайлауға 5-11 сыныптан барлығы 123 оқушы қатысты. Сайлауға қатысуға өтініш білдірген 4 үміткердің арасынан 51% дауыс жинап, мектеп парламентінің президенті болып, 9 “А” сынып оқушысы Бейсетай Диана сайланды.

Қазан айының 14-і күні мектеп психологы И.Оразханова, мектеп тәлімгері А.Шакенова және медбике А.Бейсекенованың ұйымдастыруымен 7-11 сынып қыздарымен «Ерте жүктіліктің алдын-алу» тақырыбында жиналыс өткізілді. Мақсаты: Әлемде, жалпы елімізде болып жатқан келеңсіз оқиғалардың алдын алу және қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіре отырып қыз бала тәрбиесіне дұрыс көңіл бөлуге ақыл-кеңестер беру.

"Ұстазым ұлағатты, үлгі өнегем" ұстаздарға арналған мерекелік концерт өткізілді.

 «Ұстаздар күніне» орай ұйымдастырылған «Дублер күні» өз дәрежесінде өтті. Дублер күнінің мақсаты: мектептегі өзін-өзі басқару жұмысын жандандыру, тұлғаның көшбасшылық қасиетін ашу және білім алушылардың ұйымдастырушылық қабілеттерін іске асыру. https://www.instagram.com/p/DAsjZnEs9AY/?utm_source=ig_web_copy_link&igsh=MzRlODBiNWFlZA==

Қарттар – біздің асыл қазынамыз. «Қарты бар үйдің-қазынасы бар» деп айтқан халқымыз. Жасы үлкенге құрмет ету, қарттың бүгілген беліне сүйеу болу – біздің ата дәстүріміз.  1 қазан –Қарттар күніне орай, мектебіміздің бастауыш сынып мұғалімдерінің ұйымдастыруымен «Қарттарым-асыл қазынам» тақырыбында сынып сағаты өткізілді.

2024 жылдың 25-қыркүйек күні  "Дублер күні" бойынша  мектеп директоры К.Б.Ажимбетова мен  оқушылардың өзін -өзі басқару күнін өткізу ережелері оның мақсатын, міндеттерін, өткізу нысаны мен тәртібін "Мектеп Парламентінің" ұйымының отырысында талқыланды.