"Мектебім - мейірім мекені" тақырыбында салтанатты жиын өткізілді

2023 жылдың 1 қыркүйек күні "Т. Көбдіков атындағы орта мектебі" КММ-нде білім күні мерекесіне орай "Мектебім - мейірім мекені" тақырыбында салтанатты жиын өткізілді. Мерекелік іс-шараға мектеп оқушылары, ата-аналар, ұстаздар және қонақтар қатысты. Жарма ауданының білім бөлімінің кәсіподақ төрағасы Есен Қалиасқарұлы келіп, қонақ ретінде ізгі тілектерін білдіріп, Жарма ауданы әкімі Байсабыров Жарқынбек Борашұлының құттықтауын жиналған қауымға жолдады. Іс-шара барысында 1 сынып оқушыларына «Әліппе» оқулығы таратылып, Төлеу Көбдіков атамыздың ұрпақтарының атынан 1-сынып оқушыларына араналған сыйлықтары табысталды. 

Бірінші қоңырауды соғу рәсімін облыстық ғылыми жобалар конкурсының жүлдегері 11 сынып оқушысы Рамазан Әлижан мен 1 сынып оқушысы Әлихан Сезім жүргізді. Мерекелік іс-шаралар легі сыныптарда тәрбие сағаттарымен жалғасты.