Шәкәрім атындағы мемлекеттік университетінде 10-11 сынып оқушылары арасында қазақ тілі мен әдебиетінен өткен дәстүрлі олимпиада

Мектебіміздің таудай талапты түлегі Ахмолдина Алина Семей қаласының ең үлкен жоғарғы оқу орындарының бірі – Шәкәрім атындағы мемлекеттік университетінде 10-11 сынып оқушылары арасында қазақ тілі мен әдебиетінен өткен дәстүрлі олимпиадаға қатысып, жүлделі ІІІ орынмен марапатталды. Сонымен қатар А.Ахмолдина қатысқаны үшін сертификатпен ерекшеленіп, университет қабырғасында өтетін 10 сағаттық тегін консультациялық дайындықты, бағалы естелік сыйлықты қанжығасына ілді. Түрлі аудандар мен Семей шаһарының мектептерінен келіп қатысқан шәкірттерден озып шығып, өз білімін дәлелдеген Алинаның жетекшісі Айкенова Мадина Амангелдіқызы ректор М.Ескендіровтың Алғыс хатымен марапатталды. 

Жетістіктерімен мектебіміздің мерейін асқақтатқан Алинаға алдағы мемлекеттік емтиханы мен ҰБТ-ден сүрінбей өтуге, қазақ тілі мен әдебиеті пәндерінің мұғалімі М.Айкеноваға шығармашылық табыс тілейміз.