" Асыл сөзді іздесең, Абайды оқы ерінбе" атты сайыс өткізілді.

Т.Көбдіков атындағы орта мектебінде 02.03.2020 күні ,толық күндік кіші орталық, жарты күндік кіші орталық  және мектепалды даярлық тобының тәрбиеленушілері арасында мектебіміздің оқу ісінің меңгерушісі Ж.С.Тогызбаеваның ұйымдастыруымен "Асыл сөзді іздесең, Абайды оқы ерінбе" атты сайыс өткізілді.Ондағы мақсатымыз: Абай Құнанбаевтың өлеңдерін мәнерлеп,түсініп оқуға машықтандыру арқылы, тәрбиеленушілердің дүниетанымын кеңейтіп, есте сақтау,шығармашылық қабілеттерін дамыту, жүйелі сөйлеу мәдениетін қалыптастыра отырып, өлеңдерін нақышына келтіріп орындау, қазақтың қолөнерін дәріптеуге тәрбиелеу болып табылады.Сайыс үш кезеңнен тұрды.Бірінші кезеңде, тәрбиеленушілер Абай өлеңдерін мәнерлеп,жатқа оқыды.Екінші кезеңде, әр топ тәрбиеленушілері Абай өлеңдерін әуенге сала отырып хормен орындады.Үшінші кезеңде, әр топ өздерінің қолөнерлерінен көрме ұйымдастырды.Сайыс қорытындысы  шығарылып,барлығы марапатталды.                                          

                                                                                                                    Бастауыш бірлестік жетекшісі: Г.Т.Бабаева.